御滿屋日本料理

营业中

休息中

香港人真係好鍾意食日式放題，今次到訪呢間位於旺角嘅御滿屋日本料理性價比高之餘選擇仲好多！Menu分開四個級別，最基本嘅經典A餐已經可以品嚐77樣美食😍一齊嚟睇吓我推介嘅食物，食啲咩可以回哂本！🤩最吸引一定係每台首輪既刺身拼盤！全部刺身都夠晒凍同新鮮，推介一試既刺身有帶子，油甘魚，甜蝦，劍魚腩等等☺️值得提及嘅有比較特別嘅泰式生蝦，小提示記得喺出邊醬料區攞埋佢哋特調嘅泰式生蝦醬！酸辣味道同喺泰國食冇分別🥹👅👅除咗刺身之外，佢哋嘅手卷同壽司都整得好有心機！特別係手卷，小小既一口可以試唔同餡料，三款餡料都好吸引包括有蟹膏蟹肉，海膽以及香蔥吞拿魚☺️壽司方面回本位有佢哋嘅燒汁鮑魚仔軍腩🍣🔥另外味道唔錯嘅有牛油果蟹肉他他、鹽燒左口魚邊壽司以及芝士醬松葉蟹柳壽司😎日式放題個人都好重視嘅一環係燒物🔥蒜蓉燒生蠔，以及汁燒帆立貝都唔錯！不過記得趁熱食☺️佢哋嘅鹽燒海蝦我都叫咗唔少！仲有芝麻雞翼，即叫即炸多汁又香脆都係我嘅大愛😆👍🏻經典廚師推介系列我覺得薄燒牛肉值得一試！裏面係香蔥同埋蒜蓉，非常惹味🙆🏻‍♀️想試d特別一品料理可以試吓佢哋嘅鮑汁燴花膠同埋竹笙瑤柱蟹肉翅，食完凍嘅刺身壽司食返啲暖嘅料理落肚幾舒服🙆🏻