明明車仔麵專門店 (軒尼詩道) (已搬遷) 新店位置

今日lunch Time黎左你明明車仔麵食晏，間餐廳擴充左，所以座位比以前大左、闊落左，坐落去都比較舒服。佢嘅車仔麵係自己用紙落單，三餸車仔麵就$38蚊，四餸車仔麵就$43蚊。仲可以自己揀醬汁。送嘅種類都算係多，呢個價錢係灣仔來講算係非常之抵食👍🏾👍🏾。我叫咗個四餸車仔麵食，送揀咗糖心滷蛋，柱候牛腩，瑞士雞翼，同埋通菜。送嘅份量都叫做多，牛腩好軟腍，雞翼好香瑞士汁味，而且湯都好香腩汁味，只係面嘅份量唔算多，食完碗麵都係大概得八成飽左右。