車仔王 (已結業)

（長文慎入）
星期五晚同另一半去睇戲
時間忟忟地 諗住求其喺isquare戲院附近搵食
喺openrice見呢間野新開
Like和相片都不多
但見食物既相幾吸引 就膽粗粗試下

8:30pm入到去得一個客食緊
佢9:30關門之前都有10個客咁上下
可見生意吾係太旺

但食物水準係有驚喜既！
雖然車仔麵並唔係啲咩貴價食品
但有冇心機煮/整，係睇得出既
車仔麵一放上枱時
已感受到廚師係有心機放餸菜喺麵上面
唔係求其掉上去

我地叫左一碗細雜麵 一碗大雜麵
(後悔冇影相)
咁既價錢 用料並唔孤寒
豬紅 豬大腸 豬皮 蘿蔔都比得幾多下
蟹柳得一條 但係係貴果種
個人非常欣賞 因為好中意食蟹柳
出面食車仔麵 吾係成日有得揀蟹柳
就算有 都唔會用呢隻貴料
滷水雞翼一隻 大大隻 好入味
2塊魚餅 好好味
重點係 樣樣餸都好好味
蘿蔔 豬皮 豬紅 豬腸 全部都整件大大件 唔係碎濕濕的
面底又煮得好 湯底又好味 食唔出有味精
咁既價錢 咁既質素 係高水平
(好耐冇食過好味既豬紅😌好滿足)

逆市搞生意實在不易
地段仲要係尖沙咀Isquare 隔離
食物價錢 個人覺得真心吾貴
講真 出面又貴又難食既車仔麵 通街都係

希望佢keep住呢份熱誠
吾好虎頭蛇尾
生意愈做愈好

好奇想知
間野牆上有幅油畫
係香港舊街黎，有間「車仔王」既鋪頭
係咪即係好耐以前已經有呢間野？🤔