河內越式料理 (西洋菜南街)

营业中

休息中

近年呢間越式餐廳開到成行成市，今日要去試試先。［極品牛三寶湯檬］牛三寶有生牛肉 牛丸同牛𦟌。可以按個人喜好再淥熟生牛肉，喜歡佢既牛丸 夠爽口彈牙。湯底味濃郁，配滑嘟嘟既檬粉食一流。［順化蕃茄蟹肉扎肉湯檬］蕃茄湯底好濃郁，飲落仲會飲得出有少少蟹肉味。配料有蟹肉 扎肉 豆卜，份量都多架。［越式炸春卷］皮好薄，入面包住肉碎、粉絲，蘿蔔絲、木耳絲等，好足料。炸得好香脆，但唔覺油膩。［椰果椰汁西米露 / 杞子龍眼茶］前者椰汁味極濃，西米有咬口；後者龍眼肉非常多，好甜好好味。