影片
更多
2021-11-08
29 浏览
星期六喺frd屋企睇波，我哋經外賣app訂野食，眼見有間叫火五嘅餐廳定價勁平，心諗係咪眼花，點知add落cart結帳都係果個價，就即刻deal啦！我地落完單10分鐘後去到餐廳，食物已經ready，女朋友好有禮貌同我哋對單，仲叫我哋下次堂食。靚女叫到無問題。1️⃣火五火車頭牛肉粉牛肉粉好足料，包括肥牛，牛腩，牛丸同扎肉，雖然無牛柏葉，但都不減美味。牛丸更加係喜出望外，佢係牛筋丸，口感超爽彈。牛湯幾正，唔會太油或太羶。麵底可揀檬粉或河粉，更可免費加大！加大完連我呢個肥仔食都嗌飽哂。麵底預設係會分開上，所以完全唔驚會發脹。2️⃣越式鹹菜腐竹胡椒豬肚湯河胡椒豬肚湯比想像中淡味，不過都OK，加上豬肚有好多件，炆得又夠淋，幾正，同時亦有啲腐竹香！相反鹹菜就唔太覺眼，可能溶晒落個肚度。3️⃣ 火五炭燒鰻魚飯食越南粉嘅地方竟然有鰻魚飯賣，不禁令人想試吓。佢質素不比日本店差，齋講塊鰻魚都夠大，鰻魚汁惹味，飯亦用上珍珠米，無乜可挑剔。4️⃣香茅雞翼雞翼一客有四隻，雖然賣相一般，但其實相當入味，香茅味極為突出，雞肉嫩滑，又抵食。5️⃣火五特式鳳爪鳳爪有好多隻，無骨食得方便，味道酸酸辣辣，開胃必點菜式。佢額外仲配上唔少木瓜沙律。
我地落完單10分鐘後去到餐廳，食物已經ready，女朋友好有禮貌同我哋對單，仲叫我哋下次堂食。靚女叫到無問題。
1️⃣火五火車頭牛肉粉
牛肉粉好足料，包括肥牛，牛腩，牛丸同扎肉，雖然無牛柏葉，但都不減美味。牛丸更加係喜出望外，佢係牛筋丸，口感超爽彈。牛湯幾正，唔會太油或太羶。
麵底可揀檬粉或河粉，更可免費加大！加大完連我呢個肥仔食都嗌飽哂。麵底預設係會分開上，所以完全唔驚會發脹。
2️⃣越式鹹菜腐竹胡椒豬肚湯河
胡椒豬肚湯比想像中淡味，不過都OK，加上豬肚有好多件，炆得又夠淋，幾正，同時亦有啲腐竹香！相反鹹菜就唔太覺眼，可能溶晒落個肚度。
3️⃣ 火五炭燒鰻魚飯
食越南粉嘅地方竟然有鰻魚飯賣，不禁令人想試吓。佢質素不比日本店差，齋講塊鰻魚都夠大，鰻魚汁惹味，飯亦用上珍珠米，無乜可挑剔。
4️⃣香茅雞翼
雞翼一客有四隻，雖然賣相一般，但其實相當入味，香茅味極為突出，雞肉嫩滑，又抵食。
5️⃣火五特式鳳爪
鳳爪有好多隻，無骨食得方便，味道酸酸辣辣，開胃必點菜式。佢額外仲配上唔少木瓜沙律。
如果附近有呢間火五，我毫無疑問一定會再幫襯，因為性價比高！
张贴
