河內越式料理 (村南道)

营业中

休息中

河內越式料理有唔少分店，通常都食開尖沙咀今日行開大圍見到原來呢度都有一間，就決定起度食個下午茶啦 大圍店裝修得幾別緻，牆上有啲壁畫同裝飾，座位闊落，坐得好舒服叫番平時經常食嘅蟹肉蕃茄扎肉撈檬，水準唔錯，欣賞佢哋將辣椒同埋青檸分開上，方便客人自己調校味道，蕃茄蟹肉好鮮甜食越南嘢都唔少得要個越式法包，今次揀咗豬頸肉做餡料，豬頸肉都煎香，加上其他配料非常爽口開胃加配左一份炸軟殼蟹，唔算細，炸得香脆，咬落都多汁，幾抵食最後都覺得唔係好夠喉，叫多咗一碟蝦醬通菜，鹹鹹香香過足口癮