影片
更多
2017-07-20
1853 浏览
荃灣廣場附近嘅大壩街、享和街，食肆愈開愈多，種類豐富，有火鍋、越泰、西餐、甜品店等。是日去到萊茵河餐廳，聽唔少朋友介紹過，朋友中亦都有一位特別喜歡佢地嘅漢堡，經常光顧，今晚我就同朋友們試試。餐廳嘅裝潢富歐陸風味，對門口位置係吧枱，雖然係西餐廳，但燈火明亮，個人比較喜歡呢種設計早前幫襯過福來邨一帶嘅西餐廳，環境暗到我地要開手機燈先睇到餐牌，真誇張。店員好快送上水、餐牌，並介紹佢地嘅特色手工啤，好快我地就揀好食乜喇。落單不久，先上酒水，我地幾個吹下水，飲啖酒。餐廳雖然播住音樂，但並唔係好嘈吵果種，氣氛不錯。而且不得不提，店員服務係好好，細心又有禮。福斯坦堡小麥啤 $68，5.4%：經店員推介，揀咗呢隻小麥啤，店員會係你面前將啤酒倒入啤酒杯，啤酒杯係經過雪藏，可保持比啤酒嘅冰涼感，入口清淡而順滑，麥味唔算好濃，幾易入口玫瑰花露 $14：因為跟餐半價，唔飲酒嘅我飲番特飲。洋蔥圈 $38：洋蔥圈正常大小（見過炸到大得好恐怖）炸得香脆，粉唔會厚，香口好食BBQ醬豬肋骨拼特量芝士漢堡 $168：BBQ醬味道唔錯，夠惹味，唔會過酸，豬肋骨肉一切即離骨，唔韌之餘食得方便，推介。漢堡體積大，食落鬆軟，上面
餐廳嘅裝潢富歐陸風味，對門口位置係吧枱，雖然係西餐廳，但燈火明亮，個人比較喜歡呢種設計
早前幫襯過福來邨一帶嘅西餐廳，環境暗到我地要開手機燈先睇到餐牌，真誇張。
店員好快送上水、餐牌，並介紹佢地嘅特色手工啤，好快我地就揀好食乜喇。落單不久，先上酒水，我地幾個吹下水，飲啖酒。
餐廳雖然播住音樂，但並唔係好嘈吵果種，氣氛不錯。而且不得不提，店員服務係好好，細心又有禮。
福斯坦堡小麥啤 $68，5.4%：經店員推介，揀咗呢隻小麥啤，店員會係你面前將啤酒倒入啤酒杯，啤酒杯係經過雪藏，可保持比啤酒嘅冰涼感，入口清淡而順滑，麥味唔算好濃，幾易入口
玫瑰花露 $14：因為跟餐半價，唔飲酒嘅我飲番特飲。
洋蔥圈 $38：洋蔥圈正常大小（見過炸到大得好恐怖）炸得香脆，粉唔會厚，香口好食
BBQ醬豬肋骨拼特量芝士漢堡 $168：BBQ醬味道唔錯，夠惹味，唔會過酸，豬肋骨肉一切即離骨，唔韌之餘食得方便，推介。
漢堡體積大，食落鬆軟，上面嘅芝士多得好誇張，好似溶岩咁佈滿晒，芝味唔算太濃烈，但好處係唔會過咸
漢堡肉厚身，牛味唔算好出，或多或少俾芝味淹蓋咗，建議可加啲炒香嘅磨菇，會加分。仲有薯條伴碟，正常粗薯。
但一個價錢試哂兩款野，我就覺得幾抵食。
慢烤徳國豬手 $198：呢個係招牌菜式，原隻豬手上碟，睇落已經好吸引，一刀切落，皮薄且脆，唔會過濃，而且絕對唔硬，食落嗦嗦聲，又香又脆，好似食緊乳豬皮咁。切開之後，裡面嘅熱氣滲出黎，肉質保持嫩滑，不乾不老，証明烤嘅時間同火路掌握得好好。食落咸香，配上蘋果蓉同蜜糖芥茉，可化解油膩，值得一試
香橙法式薄餅配雲呢拿雪糕 $58：我地幾個都係唔食埋甜品唔安落嘅人，薄餅上放咗一片香橙加上雲呢拿雪糕，食落橙味幾突出。
张贴
