龍城冰室

营业中

休息中

黎到九龍灣附近行街，想食茶記，之前係銅鑼灣食過龍城印象幾好就決定又食，餐廳地點都算方便，係淘大商場附近，近馬路口，呢間分店環境明顯大好多光猛好多，menu仲有埋宵夜同埋中式粉麵好似牛腩河咁，選擇又多左，朋友叫左吉列咖喱焗意粉，配上表面有層芝士，香氣十足，一放上枱就好吸引，3件魚柳大大件，咖哩汁香濃，甜辣平均，醬汁稠度剛好，紅豆冰依然出色，推介多奶少冰！我自己就試左鰻魚炒飯，大大碟，鰻魚汁好足夠，每粒米都有醬汁，唔會太甜或太淡，炒飯配料仲有椰菜同洋蔥，令到炒飯香氣更濃，此外，我今次都試左杯新嘢飲，叫做青蘋果飄香，外表唔錯，明顯係夏日特飲，主要係甜味，篤爛塊檸檬好食啲因為可以調小小酸味出黎，總括而言，仍然係出色係香港冰室👍