品粵居 (已結業)

今日到銅鑼灣和灣仔區購物, 晚上在天樂廣場品粤居用膳, 酒樓環境幾安靜, 地方闊落舒適, 最啱家庭和朋友聚會。菜式有很多選擇, 而且經濟實惠, 確是性價比高嘅粵菜, 招呼也很有親切感。歧江燒乳鴿大大隻乳鴿, 熱辣辣外皮燒得香脆, 肉質嫩滑, 肉汁豐富, 口感鬆化, 味道可口, 越吃越滋味。原隻蜂蜜柚子蝦球六隻原粒大蝦球, 份量十足, 蝦球外皮炸得酥脆, 蝦肉爽脆彈牙, 掛滿香甜蜂蜜柚子醬汁, 中和咗酥炸嘅肥膩感, 吃起來酥脆可口。涼瓜炒安格斯牛肉128熱辣辣香噴噴鑊氣十足, 涼瓜爽脆, 加上惹味豉椒醬汁, 牛肉也炒得很滑溜, 兩者味道非常配合, 真係可以食多碗飯!蛋黃蓮蓉壽桃這道中式甜品真係好吸引, 大大個壽桃份量十足, 餡料是清甜香滑嘅蓮蓉和甘香嘅蛋黃, 趁熱食就最好味。