燃 (已結業)

以前不嬲都好少去開沙田大埔個邊，但至從屯馬線開通左之後，偶然都會走去遠少少既地方探索下，今次就走到去大圍試吓朋友介紹呢一間新餐廳。餐廳menu都幾多款式，燒肉、鍋料理、壽喜燒、炸物、串燒同刺身都有，幾多元化。雜錦魚生沙律 - 三文魚&吞拿魚刺身，新鮮蔬菜配上醬汁，十分清新。鮭魚石狩鍋 - 個湯頭好夠味，連埋一大堆靈芝菇、冬菇同帝王荣等配料，好豐富同幾大鍋。雞皮餃子 & 明太子雞翼 - 炸得十分香口，送酒一流。雞串盤 - 一共有六串，分別係雞皮、雞腎、雞肝、雞軟骨、雞心同雞翼，燒得剛剛好，唔覺得燒得乾，食到津津有味。