魚眾不同酸菜魚 (啟德一號) (已結業)

酸菜魚可以算是近年最火紅的菜色，但咁多間酸菜魚，到底點先可以突圍而出？今次揀咗「魚眾不同」，叫左個老壇酸菜鱸魚（配飯）同埋一個毛血旺-中辣（配米線）。酸菜魚的酸菜唔會好酸搶哂個味👍🏻配埋滑滑的鱸魚好夾👍🏻配菜我揀咗萵筍同金菇，平時萵筍要最後食先入味，但呢個萵筍本身就已經好入味😍😍😍酸菜魚唔算好辣，應該一般人都食到，個湯撈飯真好好食😍如果想要辣嘅可以下次要求加辣，性價比都高，咁大碗仲有兩個餸都係$75👍🏻👍🏻山城毛血旺，真心第一次試，感覺味道似水煮，初初食都唔覺好辣，啲辣係慢慢浸出嚟👍🏻毛血旺係有豬腸/鴨血/木耳/牛柏葉/火腿腸等組成，鍾意食內臟的人應該幾開心😃鴨血並不是坊間盒裝嗰隻😏不過佢切得比較薄（咬落唔夠暢快🤣）呢個湯底又係好正，食到好多香料的香味，同埋兩個湯底都唔會食到花椒，怕咬花椒的朋友可以放心食🤣🤣🤣最後一定要講嘅係，伙記有禮貌，超細心👍🏻落單的時候不停提醒餸菜的辣度，上菜時又會講多次你落單的食物，make sure 食物唔會錯♥️整體來說，真心推介，又係性價比好高的餐廳😌😌以後酸菜魚癮起的時候，有著落啦🤣🤣🤣🤣