影片
更多
2020-11-08
69 浏览
不嬲都知道天后清風街有好多好嘢食，今次就試吓食越南野，呢間火五越式餐廳喺太子都有分店，餐廳大概有30個位，今日係週末去到都唔使等位。餐廳有下午茶餐選擇，一共有四款粉麵選擇，再配以任何飲品都只係$40 ，非常抵食。唔好以為下午茶餐份量就好少，店員將越式生牛肉湯河端上枱嘅時候，簡直嚇一跳，冇諗過會咁大碗，而且牛肉份量亦都超級多，店員仲額外將一杯載有芽菜，香葉和青檸送上，十分正宗！而朋友嗌左越式魚翅花膠雞湯湯河，湯底十分鮮甜，亦都有魚翅同花膠碎，想食清清地嘅朋友揀呢樣就最適合不過。小食方面我哋嗌左三款小食，分別係越式無骨鳳爪，越式炸蝦春卷同埋意大利香醋牛油雞翼。越式鳳爪十分出色，調味啱啱好，以$22來講有五至六隻鳳爪係超級抵食，鍾意食越式鳳爪嘅朋友就唔好錯過。至於越式炸蝦春卷，一份有三大條，啲春卷好長，而且蝦肉滿佈整條春卷，配以生菜包住一齊食，可以減少油膩感。至於意大利香醋牛油雞翼，一份又5大隻，隻隻都炸得非常香脆飽滿，好少可喺越南餐廳食牛油雞翼會有意大利香草點綴，令到雞翼更加香口美味。飲品方面，要讚一讚餐廳，因為餐廳會用台式飲品店嘅膠杯載着，方便到客人未享用完的話可以隨時帶走，而咸檸梳打亦
餐廳有下午茶餐選擇，一共有四款粉麵選擇，再配以任何飲品都只係$40 ，非常抵食。唔好以為下午茶餐份量就好少，店員將越式生牛肉湯河端上枱嘅時候，簡直嚇一跳，冇諗過會咁大碗，而且牛肉份量亦都超級多，店員仲額外將一杯載有芽菜，香葉和青檸送上，十分正宗！
而朋友嗌左越式魚翅花膠雞湯湯河，湯底十分鮮甜，亦都有魚翅同花膠碎，想食清清地嘅朋友揀呢樣就最適合不過。
小食方面我哋嗌左三款小食，分別係越式無骨鳳爪，越式炸蝦春卷同埋意大利香醋牛油雞翼。
越式鳳爪十分出色，調味啱啱好，以$22來講有五至六隻鳳爪係超級抵食，鍾意食越式鳳爪嘅朋友就唔好錯過。
至於越式炸蝦春卷，一份有三大條，啲春卷好長，而且蝦肉滿佈整條春卷，配以生菜包住一齊食，可以減少油膩感。
至於意大利香醋牛油雞翼，一份又5大隻，隻隻都炸得非常香脆飽滿，好少可喺越南餐廳食牛油雞翼會有意大利香草點綴，令到雞翼更加香口美味。
飲品方面，要讚一讚餐廳，因為餐廳會用台式飲品店嘅膠杯載着，方便到客人未享用完的話可以隨時帶走，而咸檸梳打亦都十分解渴，唔會沖到好淡口。
张贴
