越一越南牛肉粉專門店 (已結業)

難得粉嶺中心附近有一間越南菜，今晚就特意去試一下。揸車人士非常方便，可以直接泊入粉嶺中心入面。餐廳門面非常開陽，燈光非常耀眼，遠處已經見到招牌。餐廳裝修格局以綠色為主，感覺清新舒適。店員安排我們兩人坐卡位窗口位置，並奉上兩杯水，服務體貼。餐牌食物圖文並茂，多款選擇。隨即點了呢度嘅招牌菜綜合牛肉湯河粉，牛魔王可以一次過食到牛丸、牛筋、生牛肉等，最欣賞就係牛肉湯底非常非常非常濃郁，好好飲！難怪河粉非常入味，嚟到一定必試！另外朋友就叫了香草辣肉碎煎蛋飯，他說小小辣好滋味。當然要叫一份馬拉盞炒椰菜苗清一清腸胃，椰菜粒粒好爽口，馬拉盞味道好惹味！西瓜汁味道好鮮甜。最後點了西米燉蛋和曲奇雪糕，為呢一餐美味而豐盛嘅越南菜畫上句號。總括而言，這一間越南菜性價比高，值得再encore。