影片
更多
2019-05-03
3380 浏览
平時都比較少食自助餐，因為一來眼闊肚窄，二來又怕餐廳會將貨就價，往往都未必可以享受到高質素的食物。但這間餐廳似乎打破我狹窄既觀念。先從整體餐廳佈局去睇，餐廳不同的食物區清楚分明，而且分佈得比較廣，有助分散人流。雖然平日去食，食客其實都唔少，但就無發生過人撞人、肘撞肘既不愉快事件。基本上拎野食都唔駛等咁濟。而呢度既服務都算幾好，一到步就主動招呼你。一路帶位時又會閒聊幾句。在用餐期間，職員亦會主動了解用餐感覺，食物質素及可以改善的地方。不容否認，服務上的確似一間五星級酒店，而唔係放題餐廳。係細節上，令人感覺舒服。除此之外，亦會見到大廚主動檢查食物的消耗及新鮮程度。可見廚師亦認真對待自助餐盤內的食物。回到主題，由於掛住食野既關係，食物相就比較少。凍海鮮類，有青口，藍青口，凍虎蝦，凍蝦，鍾拿蟹，小龍蝦。比較可取既係凍虎蝦同青口。青口比藍青口更鮮美。凍虎蝦夠新鮮，啲肉漲卜卜又彈牙。不得不提既係燒烤海鮮類。燒大蝦同蟹腳唔錯。仲有燒生蠔、翠玉瓜同菠蘿。燒大蝦好香。同埋旁邊有多款辣粉同海鹽俾你選擇。燒烤類又點止海鮮。係日式食品方面，刺身就唔駛講。串燒都算幾好，夠熱夠新鮮，唔會燒定好多而等到凍哂俾人。除
先從整體餐廳佈局去睇，餐廳不同的食物區清楚分明，而且分佈得比較廣，有助分散人流。
雖然平日去食，食客其實都唔少，但就無發生過人撞人、肘撞肘既不愉快事件。基本上拎野食都唔駛等咁濟。
而呢度既服務都算幾好，一到步就主動招呼你。一路帶位時又會閒聊幾句。在用餐期間，職員亦會主動了解用餐感覺，食物質素及可以改善的地方。
不容否認，服務上的確似一間五星級酒店，而唔係放題餐廳。係細節上，令人感覺舒服。
除此之外，亦會見到大廚主動檢查食物的消耗及新鮮程度。可見廚師亦認真對待自助餐盤內的食物。
回到主題，由於掛住食野既關係，食物相就比較少。
凍海鮮類，有青口，藍青口，凍虎蝦，凍蝦，鍾拿蟹，小龍蝦。比較可取既係凍虎蝦同青口。青口比藍青口更鮮美。凍虎蝦夠新鮮，啲肉漲卜卜又彈牙。
不得不提既係燒烤海鮮類。燒大蝦同蟹腳唔錯。仲有燒生蠔、翠玉瓜同菠蘿。
燒大蝦好香。同埋旁邊有多款辣粉同海鹽俾你選擇。
燒烤類又點止海鮮。係日式食品方面，刺身就唔駛講。串燒都算幾好，夠熱夠新鮮，唔會燒定好多而等到凍哂俾人。
除咗串燒之外，最值得推介既就係天婦羅。即場炸出黎，夠熱夠脆已經贏哂出面既放題。推介蕃薯同茄子。蝦天婦羅都唔錯。 而個天婦羅醬汁可以自取，重點係啲醬汁都係少少熱，算係另一個驚喜。
至於其他熱盤，羊架好食過牛扒。亞洲食品區既香辣海鮮窩，如果你食得辣，你一定會中意。當然，印度食品區亦係另一個選擇。
講到尾，一定係甜品區。超過8款movenpick雪糕。又係自助軟雪糕機玩。最令人驚喜既，當然係有數款靚芝士可以俾你品嘗。題外話，由於當日生蠔貨源問題，無生蠔供應，改為免費升級任飲紅白酒( house wine)，啤酒(樽裝)，汽水，奶茶檸茶咖啡等等，算係唔錯，反正lunch buffet 再食生蠔就未必食到其他野。
總結，食物質素以自助餐黎講幾好，服務態度自然有善，環境算係少數自助餐餐廳比較舒服(安排到Car seat)。性價比高，值得一試！
张贴
