燒肉臻 (已結業)

約埋朋友到「燒肉臻」 食餐高質靚牛，店員安排我哋二人坐bar枱可以一邊食一邊欣賞師傅烹調美味燒肉，全程唔使自己燒👍蕃茄漬物（前菜)擺盤好靚蕃茄好新鮮鮮甜，好多汁開胃。美國牛小排色澤紅潤好新鮮，咬落牛脂滲出，不用任何醬汁，牛肉味道已經好香濃。牛舌厚切牛舌，加上黑胡椒去燒，爽口多汁。和牛牛頸脊壽膏燒配紫菜飯師傅將牛頸脊預先煎好再放入湯裏面，令到牛肉的味道更加突出，飲落去湯底味道更濃郁肉質又鮮嫩，紫菜飯都好好食。蒜蓉燒蟶子蟶子肉質好清甜，加入少量蒜蓉已經帶出鮮味。食埋水信玄餅做甜品呢餐真係超滿足。