影片
更多
2018-06-05
322 浏览
柯士甸路是一條頗長的街道，連接金巴利道和添咸道，但搭地鐵步行約十五分鐘到達這間海鮮酒家，老友話呢間酒家老板係一名海鮮批發商，很多著名酒家的海鮮都係由佢批發海鮮，依家佢自己兼營呢間海鮮酒家，所以值得一試喎。既然講到咁，自稱食神既我又點好意思推却，一於就過九龍試菜。一去到就已經覺得位置好面善，原來前身就係係度經營多年兼專做名人生意果間。一坐低老友就介紹了幾道菜式，先食富貴花龍鳳球，脆脆的龍鳳球一咬開，先有一陣刺鼻的感覺，原來裏面包有蝦和燒鷄肝鮮炸再抹上介末醬加沙律醬的醬料，唔知仲以為係wasabi，但醬料味道颇有創意。一大盤的群翅鷄湯泡粗糧，湯底有群翅外，亦有淮山，云耳，西芹，脆肉瓜，廿荀，秀珍菇和蕃薯一起煑，令湯底帶糊狀，這道菜式健康兼配料豐富，當然除了食材外，就一定要連湯底都飲埋，因營養豐富。成日以為生炒臘味糯米飯係冬天先有得食，估唔到夏天都可以係呢度食到，糯米入口黏味十足，配上半肥瘦的臘腸，這道臘味糯米飯彈牙不油腻，夏天不妨一試。八寶鴨全隻，八寶鴨一切開，鴨胸包有蓮子，粟子，薏米，百合，鹹蛋黄，茨實，冬菇和糯米八種不同食材，所以稱之為八寶鴨，所有食材撈在鴨胸一起炆，食材全溶在鴨胸內，
柯士甸路是一條頗長的街道，連接金巴利道和添咸道，但搭地鐵步行約十五分鐘到達這間海鮮酒家，老友話呢間酒家老板係一名海鮮批發商，很多著名酒家的海鮮都係由佢批發海鮮，依家佢自己兼營呢間海鮮酒家，所以值得一試喎。既然講到咁，自稱食神既我又點好意思推却，一於就過九龍試菜。一去到就已經覺得位置好面善，原來前身就係係度經營多年兼專做名人生意果間。
一坐低老友就介紹了幾道菜式，先食富貴花龍鳳球，脆脆的龍鳳球一咬開，先有一陣刺鼻的感覺，原來裏面包有蝦和燒鷄肝鮮炸再抹上介末醬加沙律醬的醬料，唔知仲以為係wasabi，但醬料味道颇有創意。
一大盤的群翅鷄湯泡粗糧，湯底有群翅外，亦有淮山，云耳，西芹，脆肉瓜，廿荀，秀珍菇和蕃薯一起煑，令湯底帶糊狀，這道菜式健康兼配料豐富，當然除了食材外，就一定要連湯底都飲埋，因營養豐富。
成日以為生炒臘味糯米飯係冬天先有得食，估唔到夏天都可以係呢度食到，糯米入口黏味十足，配上半肥瘦的臘腸，這道臘味糯米飯彈牙不油腻，夏天不妨一試。
八寶鴨全隻，八寶鴨一切開，鴨胸包有蓮子，粟子，薏米，百合，鹹蛋黄，茨實，冬菇和糯米八種不同食材，所以稱之為八寶鴨，所有食材撈在鴨胸一起炆，食材全溶在鴨胸內，一匙羹一口八寶鴨，鴨的味道和八寶食材全溶化於口內，味道實在難以用筆墨形容的正，但這道八寶鴨已很少食肆肯製作了，因製作煩複兼炆煑時間頗長，所以這道古法菜式已經買少見少。
桂花炒鮮蟹肉，味道似桂花炒翅，但用鮮蟹肉代替翅，口感和味道當然不一樣，這蟹肉雖然用桂花炒，但仍然掩蓋不了蟹肉的鮮味，差點忘記了酒家老板是海鮮批發商呢。
鹽焗香檳奄仔蟹一隻，通常產自香港的奄仔蟹普通size比較小，但這隻不能稱為奄仔的奄仔蟹，十足似香港的黄油蟹，原來產自菲律賓，除了size大大隻外，打開蟹殼，即見到黄黄的蟹膏，再用淮鹽，香檳，牛油烤焗，一上枱就聞到一陣香香的淮鹽味道，牛油和香檳就浸入蟹肉內，感覺就用了西式烹調煑這款鹽焗香檳奄仔蟹。
食得飽飽再上一道南瓜西米露，很喜歡南瓜香甜的味道，南瓜價錢廉宜但營養價值高，加上西米露的爽滑，是簡單易做又好味的夏天甜品。
埋單後酒家老板仲好熱情咁坐埋嚟閒話家常一番，感覺食完這頓海鮮晚飯，就好像上了海鮮的一課。
张贴
