海膽仔

营业中

休息中

這間餐廳近排都好多人介紹，所以今個週末就特登黎左新蒲崗試下！餐廳有兩層，下層位置有種在日本魚市場的感覺！餐牌上有多款不同的定食、刺身、壽司等食物可以選擇，而且食物價錢亦不算很貴!爆膽丼，這個丼飯是定食來的，還配有湯和沙律，非常抵食！丼飯上面有爆多的海膽，另外亦有一板仔海膽！海膽鮮甜得黎又creamy，跟飯食或者夾紫菜食都一樣咁正！倍化帶子吞海膽，帶子真係好大粒，大粒到要食幾啖先食完，而且好鮮甜！帶子夾住creamy的海膽，每啖食落去都有海膽的鮮甜味，非常正!日本令和生蠔 ，自從之前食過這款生蠔之後一直念念不忘，每隻都有手掌咁大，而且每隻都好肥美，食落啖啖肉，口感creamy得黎又有海水味！海膽三色花之戀，這款花之戀用上三文魚、吞拿魚和鯛魚製成，三款魚包住飯、海膽和蟹籽，味道豐富之餘口感亦好豐富！三文魚籽花之戀 ，三文魚籽粒粒都脹卜卜，加上有三文魚，令口感好豐富！刺身定食，刺身定食真係好抵，除了有一大盤刺身外，還有一大碗白飯！刺身包括有三文 魚、吞拿魚、北寄貝、帆立貝、鯛魚和牡丹蝦！全部都好厚切而且鮮甜新鮮，性價比超高！活赤貝，點了兩隻，師傅整了兩食給我們試試，赤貝爽口又鮮甜，好正呀！