滬點 (已結業)

早幾日搭車經過銅鑼灣時見到鵝頸橋附近開左呢間名叫“滬點”嘅餐廳，門面同裝修都好新潮醒目，我地立刻上網搵，原來係一間食上海菜嘅餐廳。今日趁同老婆都係附近放工專程行過黎睇睇餐牌，發現價錢唔貴，所以決定食埋個晚餐再返歸。😁滬點原來只係開左業一星期，不過我地今日7點左右到經已全場爆滿。餐廳裝修有別於一般中菜館，室內以灰黑色配搭，加上霓虹燈，感覺新潮又有格調。進餐廳時店員會幫每位客人量度體溫，店內亦提供左自助式搓手設備及每位一個的口罩套，非常貼心。😊晚市除左主餐牌外還有二人及四人套餐，不過因為老婆想食擔擔麵同牛肉餡餅，所以我地冇揀套餐，點左全部都係老婆最愛嘅食物 。😆雞絲粉皮 $56粉皮份量好多，雞絲肉質嫩滑配以彈牙粉皮，口感不錯。👍🏻招牌小籠包 $48小籠包皮薄，餡料湯汁飽滿，沾上薑醋汁，非常惹味。😋灌湯牛肉餡餅 $36牛肉餡餅非常有驚喜，餡餅兩邊煎至香脆，餡料牛肉味濃富有肉汁，$36兩件，非常抵食。😍招牌擔擔麵 $68擔擔麵辣度適中，湯底濃郁帶有微微花生香味，麵條幼身而且掛湯，加上肉碎香葱，味道層次豐富。😋糖醋咕嚕肉 $82咕嚕肉糖醋汁分開上，食的時候先把糖醋汁淋上，所以比一般咕嚕肉香脆，而