更多
2021-06-18
717 浏览
起源於筲箕灣嘅金記冰室近年開左好多間分店,遍佈港九新界,我同老婆都經常去屋企附近嘅金記撐枱腳。今日約左兩個老友係銅鑼灣聚聚,老友推薦去金記冰室開餐我先知道原來銅鑼灣霎東街都有金記冰室分店。😆雖然霎東街好近時代廣場,不過平時逛銅鑼灣真係好少走入呢條街。金記冰室呢間分店裝修比其他分店更有特色,係門外已經看到富有老香港特色的門面,店內裝修亦是走懷舊風格,最特別係餐廳入面竟設有電車雅座,我都係第一次係冰室入面同老友合照打咭。😁餐廳晚市有一人,二人同四人餐,另外都有單點小菜同多款港式茶餐廳食物。我地點左兩款小菜,另外加左半隻菜膽雞,三個人share食。XO醬茄子牛仔骨 $82(晚餐)是日晚餐附上例湯,白飯及飲品,例湯除左中湯仲可以揀羅宋湯,羅宋湯唔會太辣,湯料多,味道唔錯。牛仔骨唔會太腍,帶有牛肉肉感,配上爽滑茄子,用XO醬,香蔥炒香,非常惹味。😋菜膽雞 $118(半隻)半隻菜膽雞份量都好多,熟度剛好,雞肉超嫩滑,調味適中,伴碟菜亦好多,幾抵食。👍🏻金銀蛋肉碎浸時蔬 $68時蔬我地揀左白菜,白菜吸滿湯汁,配上肉碎,蛋花及菇菌,味道清新,配飯一流。😋凍檸樂 跟餐加$3金記冰室奶茶其實比較出名,不過
雖然霎東街好近時代廣場,不過平時逛銅鑼灣真係好少走入呢條街。金記冰室呢間分店裝修比其他分店更有特色,係門外已經看到富有老香港特色的門面,店內裝修亦是走懷舊風格,最特別係餐廳入面竟設有電車雅座,我都係第一次係冰室入面同老友合照打咭。😁
餐廳晚市有一人,二人同四人餐,另外都有單點小菜同多款港式茶餐廳食物。我地點左兩款小菜,另外加左半隻菜膽雞,三個人share食。
XO醬茄子牛仔骨 $82(晚餐)
是日晚餐附上例湯,白飯及飲品,例湯除左中湯仲可以揀羅宋湯,羅宋湯唔會太辣,湯料多,味道唔錯。牛仔骨唔會太腍,帶有牛肉肉感,配上爽滑茄子,用XO醬,香蔥炒香,非常惹味。😋
菜膽雞 $118(半隻)
半隻菜膽雞份量都好多,熟度剛好,雞肉超嫩滑,調味適中,伴碟菜亦好多,幾抵食。👍🏻
金銀蛋肉碎浸時蔬 $68
時蔬我地揀左白菜,白菜吸滿湯汁,配上肉碎,蛋花及菇菌,味道清新,配飯一流。😋
凍檸樂 跟餐加$3
金記冰室奶茶其實比較出名,不過晚餐我地都冇點奶茶,怕訓唔著。凍檸樂原罐跟檸檬冰底上,跟餐只加$3,抵飲。👍🏻
埋單每位$100有找,性價比非常高。
张贴