紅米 (已結業)

重陽將至，又是各位孝子賢孫出動的時間，拜山掃墓後例牌去食餐飯，這間位於慈雲山的毓華里的Red Rice，隔離左右全部都是食肆，要突圍而出，都離不開抵食夾大件。下午二時，門口都大排長龍，等了大既十分鐘就有位。單點全部都可以轉餐，不會限制款式。而且價錢化算，全部都是$40-$50起。煙三文魚蟹棒沙律沙律份量頗多，有沙律菜、蕃茄仔、粟米粒等，配上胡麻汁，非常清新爽脆，而煙三文魚有4-5塊，味道不錯。和風蒲燒原條鰻魚鐵板飯原條鰻魚有成隻手前擘長，肉感爽口，有別於外面的腍身，整份鐵板上枱，連飯及木魚，很有日式風味。大食拼盤因為雞翼沽清，所以炸蝦及餃子各多一件，炸蝦香脆但不算大隻，肉質都幾爽口，餃子外皮有點硬，但餡料都頗多，芝士焗大菇有大量的芝士，大菇肉汁豐富，有外面高檔西餐的水準。柚子蜜桃薏米水本來以為是煲的薏米水，原來只是沖出來的柚子蜜桃再放幾粒薏米在面，味道不太甜，帶少許酸。總括而言，食物味道不錯，大件夾抵食，選擇頗多，大胃王必選的餐廳。