湊湊火鍋‧茶憩 (圍方)

营业中

休息中

🌱環境服務大圍分店的座位以卡位為主，私隱度高，啱晒成班朋友吹水慢慢打邊爐。座位設有USB hub，方便叉電，好貼心嘅設計。至於服務，店舖人手充足，店員不時幫我哋加湯底，尚算細心。🥘台式麻辣湯、蕃茄牛膝湯台式冇四川麻辣咁辣，鍋底里面有壽喜菇、鴨血、鹵豆腐。如果鍾意食辣嘅朋友，建議點川味麻辣火鍋湯底（P.S. 鴨血同鹵豆腐係無限添加😌)蕃茄鍋比較偏甜，裏面有兩嚿大牛膝，一大堆蕃茄。🥘牛小排、牛肩胛Menu寫明係用USDA choice grade嘅牛肉，有一定質素，牛肉味重👍🏻🥘南非活鮑魚鮑魚採用南非鮑，雖然上碟時已經唔活，但食落仍然都好新鮮！🥘企鵝丸（墨魚漿制）其實係墨魚丸，但個人覺得口味一般偏甜，不過玩味十足，啱晒打卡用🐧🥘萵筍套餐只有兩種菜，同行小夥伴因為唔食皇帝菜，所以選擇萵筍，正常嘢🥘香鹵大腸（追加）唔算好肥，但份量偏少。如果喜歡食內臟嘅朋友，可以一試🥘前菜小食前菜有魚皮同埋麻辣香菇，味道唔錯，魚皮爽口，香菇入味。🥘水果喺自助醬料枱拎嘅西瓜同哈密瓜，好清甜🥘啫喱、沙冰食完麻辣鍋，飲番杯菠蘿蜜桃沙冰真係好爽😌至於啫喱，有桂花和柚子味，酸酸甜甜。