Outback Steakhouse (黃埔天地) (已結業)

今日午飯時段，四周已在排隊的情況下，見冇長龍就試一試，可能一直認為此店走高消費路線，看了餐牌，午餐都是百零蚊，所以感覺良好，叫了烤雞及豬肋條，本來想叫豬扒，可惜冇貨。先來沙律跟湯，粟米忌廉湯比想像中好，粒粒粟米，湯或許有份煙肉味。沙律反而冇特別，黑糖麵包真係等咗好耐，由於只有一個，咁當然要refill 啦，半隻烤雞，加上配菜，雞下面有炒飯，好豐富呢！豬肋條加上薯條及配菜。其實我覺得配菜及炒飯都好食，反而雞就老咗，特別係雞胸，最好食係個汁，有D辣味，點薯條好好食。豬肋條個醬或許同雞汁一樣，所以係個汁好食。最後叫了檸茶，好豐富及滿足的一餐。