祥仔 (永康街) (已結業)

呢間新開無耐嘅餐廳成日排長龍，今日遲咗放飯，所以終於有機會試下。雖然2:30食lunch有折，不過好多野都賣晒，而值得一提嘅就係佢嘅價錢，基本上除咗沙律之外，全部野都係$100以上，最貴嘅要二百幾，喺荔枝角工廠區黎講算係幾貴，但係都成日要排隊兼咁多野賣晒，呢個私疑直到個跟餐沙律上檯開始慢慢解開。個沙律賣相好掂，而食落個味道亦都好好，跟手黎個吉列豬扒飯，豬扒同飯分開上，好處係舊吉豬無咁易因爲飯嘅蒸氣而產生嘅倒汗水整淋，呢個吉列豬扒粉漿薄兼有肉汁，好味，佢配嗰個汁都得，feel到唔係求其pat個汁比你嗰隻。總結，$120連埋加一真係唔平，不過以水準而言就係物超所值，中環食個$150以上嘅lunch都無佢咁好食。