丼瀛 (已結業)

丼瀛位於觀塘駿業街一棟商廈內，走平民抵食日本餐廳路線。睇返單價同質素，性價比真係好唔錯👍🏻我地點左日本直達刺身盛，三款魚生金目鯛、油甘魚同池魚都係厚切，魚味新鮮，好耐未試過咁厚嘅魚生質感。卷物大件而且擺盆用心：天龍卷真係砌咗條龍出嚟，刻意炸咗個蝦頭扮龍，而且卷上仲有魚子，$98相當抵食！吞拿魚蓉海膽卷，用料相當充足，亦係大大件，$78性價比好高。我哋點了甲羅燒，蟹蓋放著有豐富嘅蟹膏、廚師拆咗嘅蟹肉、再加大量蟹子，配一隻鵪鶉蛋食，售$68，真係相當驚喜！吉列廣島蠔個脆漿好薄，上碟仲熱辣辣，水準之上。串燒揀左牛舌，有咬口亦入味。為了再滿足啲，最後點咗一個鍋燒烏冬，配菜有一隻炸蝦加兩件炸雞，配魚湯湯底嘅稻庭烏冬。食完真係飽晒。值得一讚嘅係店員嘅服務，好細心；而且店裏有一幅充滿心心嘅牆，上面寫咗好多食客鼓勵香港嘅字眼，感覺好窩心。