大丼屋 (已結業)

放工之後同同事經荃灣楊屋道街市的百悅坊，見到2樓開左間大丼屋就上左去醫肚。鋪面裝潢日系，乾淨企理，座位寬敞，坐得舒服，環境唔錯。丼飯選擇多，每款丼飯套餐都附送野菜沙律同味增湯我同同事點左兩個期間限定的套餐同一個築地自選丼 套餐(有9款丼飯，可自選2款或3款丼飯) ：蟹道樂丼 (黃金蟹丼定食) - 蟹丼用料豐富，有黃金蟹膏、蟹肉、蝦、三文魚籽及海膽。黃金蟹膏入口味道濃郁且軟滑，蝦肉、蟹肉甘甜有鮮味，海膽口感豐腴，三文魚籽夠爽脆。穴子天丼 (原條海饅野菜天丼定食) - 天婦羅鋪滿飯面：南瓜、蕃薯、冬菇、茄子同原條海饅，有滿瀉感，近 6 吋原條海鰻最為搶眼。天婦羅入口香脆鬆化唔油膩，脆皮厚薄適中。白飯有米香，質感軟滑。蔥免治吞拿魚丼 - 吞拿魚鮮甜軟腍，魚香味濃，將吞拿魚同鵪鶉蛋米飯伴勻一齊食，口感綿蓉，味道一流。鰻魚丼-鰻魚厚肉少骨且香口，肉質嫩滑，醬汁甜度適中。三個餐連野飲埋單只係$430免加一，以呢個質素同份量的晚餐黎講，絕對係性價比高。