燒魂族 (已結業)

通常任食燒肉，啲肉嘅質素都麻麻，一係就勁肥，唔使諗會有雪花牛咁靜嘅油花出現，否則就會好貴至可以任食。呢度二百幾任食放題，但啲肉質竟然係散叫質素！

牛柳粒同一塊塊牛都見到有雪花，望到顏色都幾靚，食落口唔太肥，有肉味，冇雪味太重嘅問題。

朋友不停食薄切牛脷，話點少少鹽超好味。我就食咗好多牛。

黑豚肉係五花腩，燒到金黃色食超香口，好邪惡！

香草腸有啲似台灣小吃嗰種腸。雞就唔係太入味。

蝦係中蝦，唔係平價貨，有誠意！

掛住食，唔記得影相！ 羊都好正，朋友勁食羊架。

其實呢度仲有魚生、壽司、沙律等等，因為限時兩個鐘，我地好忙咁燒肉食，冇影相，哈哈！