馬祖 (將軍澳廣場) (已結業)

所謂蘿蔔青菜，各有所愛。出街打邊爐最怕湯底唔係心水。將軍澳呢間任食火鍋使用一人一鍋形式，湯底選擇多多，配料如是!個套餐好抵食，平均每人三百幾就可以食到兩款牛同兩款豬。推介大家一試！藥膳花雕清雞湯一上枱已經聞到好香嘅紅棗味，花雕同藥膳嘅配合得好好。絕對唔洗驚好大陣酒味/藥味，淥肉類減肥膩十分適合。自助區有雞件，擺幾舊落去更添鮮味。藥膳田園蕃茄濃湯湯底濃郁偏甜，但一樣淥肉類就好帶到鮮味出黎。加湯都唔會沖淡曬蕃茄味，反而越食越入味。呢個湯底一樣有紅棗，藥膳嘅香味同蕃茄湯竟然好夾，有驚喜。牛頸脊每塊都有厚度架，食落有咬口，啖啖肉，食到新鮮牛味。肩胛肉眼相對薄啲，但牛味更重。不過食得多都唔會覺得油膩，油脂分布十分靚，淥完都唔會乾爭爭。黑毛豬十分滿意，食落新鮮，而且質感似牛肉。無激素豬就比較大塊飽肚啲，但食落一啲都唔差。鐘意食豬嘅朋友絕對唔好錯過啊。自助區有唔少配料供客人選擇，令我深刻嘅係蔬菜新鮮，仲有羽衣甘藍添啊。丸類都好齊，仲有唔少台灣風味嘅丸類。飲品同甜品選擇都有好多，唔想飲凍飲仲有暖嘅飲品提供，十分貼心。