潮家 鵝稱王

营业中

休息中

西營盤係一個眾多潮州鹵水店屹立嘅地方，係得呢個地方擺檔無返咁上下實力真係唔會崖得住。今日經過呢間潮家鵝稱王專做鹵水外賣嘅鋪頭，見到啲鹵味又幾靚就執左幾樣野返去同屋企人加餸。因為太貪心，所以乜都點左啲。前前後後叫左五樣野，包括獅頭鵝肉、鵝肝、鵝紅、豬手、豬耳。點左咁多樣野都係$300左右，仲要全部大大件，呢個鹵水拼盤真係超值。鵝肉好嫩滑，鵝肝好有鵝油香味。豬手豬耳鹵到入味。鵝紅大大片份量好多，而且好滑完全無腥味。潮家嘅鹵水汁味道好足，香料都好夠，絕對唔係出面淡戊戊果啲鹵水汁。有個咁好嘅靈魂，難怪樣樣鹵味都做得咁出色！下次可以試下佢嘅鹵味飯，鵝肉拼鵝肝飯都係$60，抵呀！小店一定要支持下！