佳美去骨海南雞 (已結業)

放假唔想留係屋企，又唔想自己煮野食，所以只好落街食個便飯，去返我食開既佳美，性價比極高海南雞飯，我地叫左個招牌去骨海南雞拼星級安格斯牛肉飯、特色青檸汁燒豬腩片飯，跟餐包老火湯，我哋再追加泰色生菜包，野飲叫左兩杯青檸梳打。客人唔多，所以食物好快就送到枱，次次食開海南雞飯，今次叫啲唔同既，果然依然有驚喜，海南雞拼安格斯牛肉，中西合壁，又估唔到幾夾幾好食，海南雞一如以往咁滑，好食。特色青檸汁燒豬腩片飯，個汁酸酸甜甜，又帶有少辣，有少少韓式醬汁既感覺，配合埋豬腩片，非常開胃可口，又一推介。反而個生菜包對比起個主菜就一般般，中規中矩咁，無任何驚喜，老火湯如是，雖然冇味精，但都唔係煲得好老。總括而然，主食高質，性價比高，糧尾恩物。