泰好餸 (已結業)

琴日去完西九，返到屋企成身散晒，就搵返大角咀有咩好嘢食，就搵到呢一間泰國嘢叫泰好餸嘅泰國餐廳，原來食泰國嘢都唔使一定去九龍城😂😂入到去坐低，見佢裝修都好有泰國feel，有啲泰式嘅遮同埋擺設，好似去咗泰國咁。咁我哋睇返餐牌見到啲價錢都好親民，我哋嗌咗乾炒鮮蝦河，呢個啲蝦好大隻同埋唔辣，炒得好有鑊氣。另外嗌咗個泰式秘製燒雞，燒雞雞肉好嫩滑，熱辣辣食到舔舔脷。最後叫咗個泰式黃咖喱海鮮南瓜包，海鮮好足料，啲包點住啲黃咖喱咁食，再擺啲海鮮喺上邊，正呀🥰🥰最後要介紹埋佢哋有個泰式外賣兩餸飯，平時如果忙得滯唔得閒煮，兩餸飯都有泰國嘢🥰🥰仲有好多選擇添#大角咀美食 #泰國嘢 #hkfoodie #食好西 #兩餸飯 #泰國美食