影片
更多
2023-04-15
59 浏览
📌 LAB10 - 旺角亞皆老街8號朗豪坊10樓26號舖🗓(12/4) 星期三 ⏰ 晚上7點左右💈特式：長假期後要開始返工，所以要搵返d好野食去緩和返個心情，呢間LAB10位於朗豪坊，地理位置超方便，每次經過都見到好多人，今次特登早d book定位，今日終於可以試到喇。🥩🍔🌭🌮🥗🥯🥘🍲🍝🍣🥟🍤🍱食物：呢間餐廳係屬於韓式燒烤，可以選擇90分鐘放題或者散叫，放題就分有A/B/C三個等級，揀任何一款都會配埋D(任飲8款汽水/梳打)，當然仲可以加錢飲埋E或F嘅酒精類飲品，而家等我同大家講下🍖味道先。Supreme Set - 我就揀左中間價位呢個B set，可以食埋C set嘅所有食物，種類就中規中矩，大約有40款食物，包括燒烤嘅牛/豬/雞/海鮮/蔬菜，加埋幾款熟食/主食/甜品，另外亦設有一個少少自助區比大家夾下前菜/沙律等等。咁多選擇，等我主力同大家講下有咩最好食/抵食嘅回本位啦：因為中間個set先會有牛肉類，所以叫得呢個set一定係主力食牛肉啦，當中最好食/最吸引就係美國安格斯牛肩肉同牛脊肉，安格斯肉味濃又唔會好多脂肪，唔會食到好油膩感；仲有佢地個韓式梨汁牛五花同厚切牛舌，都係必點，我覺得
🗓(12/4) 星期三 ⏰ 晚上7點左右
💈特式：長假期後要開始返工，所以要搵返d好野食去緩和返個心情，呢間LAB10位於朗豪坊，地理位置超方便，每次經過都見到好多人，今次特登早d book定位，今日終於可以試到喇。
🥩🍔🌭🌮🥗🥯🥘🍲🍝🍣🥟🍤🍱
食物：呢間餐廳係屬於韓式燒烤，可以選擇90分鐘放題或者散叫，放題就分有A/B/C三個等級，揀任何一款都會配埋D(任飲8款汽水/梳打)，當然仲可以加錢飲埋E或F嘅酒精類飲品，而家等我同大家講下🍖味道先。
Supreme Set - 我就揀左中間價位呢個B set，可以食埋C set嘅所有食物，種類就中規中矩，大約有40款食物，包括燒烤嘅牛/豬/雞/海鮮/蔬菜，加埋幾款熟食/主食/甜品，另外亦設有一個少少自助區比大家夾下前菜/沙律等等。
咁多選擇，等我主力同大家講下有咩最好食/抵食嘅回本位啦：
因為中間個set先會有牛肉類，所以叫得呢個set一定係主力食牛肉啦，當中最好食/最吸引就係美國安格斯牛肩肉同牛脊肉，安格斯肉味濃又唔會好多脂肪，唔會食到好油膩感；仲有佢地個韓式梨汁牛五花同厚切牛舌，都係必點，我覺得質素比牛角仲要好。
我另外都有試佢地嘅豬同雞，當中佢地嘅韓式豬五花/柚子豬頸肉/韓式醬燒雞腎表現都好出色；
海鮮就一定係要狂食B set先有嘅廣島蠔/蜆，同C set都已經有嘅虎蝦，佢地d海鮮無論size同新鮮程度都好高質素，所以食海鮮一定最回本位。
蔬菜都有值得推介，就係牛油什菇，佢用錫紙兜裝住什菇，仲有一大舊香草牛油，牛油味好香濃。
☕️🍵🥤🧋🍺🍷🥃🍹🧉🍾🍶🥛
飲品 : 飲品我就無加錢飲酒類，餐已經包左8款飲品，分別有正常可樂/無糖可樂，同埋另外6款果味梳打，我覺得柚子同菠蘿梳打都唔錯，仲可以揀冰量同甜度。
🍽環境：餐廳環境雖然唔大，但佈置好靚，整體亦好光猛整潔，坐位亦安排得幾鬆動，最讚係佢地個爐，雖然size唔算好大，但火力好夠，同埋個抽風就做得好好，真係完全唔覺有油煙味，食完之後都唔會覺得個身有味。
🤵🏻🤵🏻♀️🤵🏻♂️服務：店員服務都唔錯，餐廳係用QR Code落單都得，我亦鐘意佢地上菜好爽手，好快就有野食，而且無出現漏單/扣單之類情況。
💰💸價錢：埋單就$298一位再加一，價錢方面同坊間比都係差唔多，雖然食物種類唔算多，但佢地號食物質素同用料都比較好，而且味道都係高質，抵玩。
🐲💬總結：呢間韓式燒肉係正朗豪坊，交通十分方便，食物質素高，最緊要係唔重油煙味，我諗大多數人都唔會鐘意帶住陣油煙味行街，呢間就做得好好，食完仲可以香噴噴咁去行朗豪坊消化下。
推薦指數：❤️❤️❤️❤️❤️
张贴
