和氣食堂 (黃大仙中心南館)

营业中

休息中

今日去黃大仙揾朋友，順便去佢屋企樓下覓食。見依間餐廳都滿座，睇嚟應該唔錯。雙重芝士鰻魚卷係面頭同埋入邊有兩款唔同嘅芝士，口感好rich, 好適合芝士控，鰻魚亦都係成條覆蓋喺飯卷上面。另外五款軍艦都好吸引，有海膽、香蔥拖羅碎、三文魚籽、蟹膏甜蝦、蟹膏帆立貝。其中蟹膏系列特別好食，因為佢好惹味。好健康地叫咗個沙律，我哋今次揀咗溫泉玉子牛油果沙律。佢嘅沙律醬都算多，比較特別嘅係有麵包糠係入邊。而且蔬菜方面都多種類口感唔會單一。重點係個玉子係流心嘅，令到成盤沙律整體都係唔乾嘅。叫咗個最貴嘅大盛刺身丼飯入面各款刺身都好吸引，包括有三文魚、油甘魚、三文魚籽、海膽、赤蝦、帆立貝、拖羅蓉。性價比ok. 賣相唔錯，刺身嘅份量都多，佈滿晒成碗丼飯，個人覺得三文魚籽最好食，粒粒鮮橙色非常新鮮，入口甘香嘅感覺令人非常難忘。其次油甘魚同埋帆立貝都好肥美，赤蝦啖啖肉，海膽冇乜苦味。糯米糍紅豆宇治抹茶牛奶雪糕一次過食到抹茶同牛奶雪糕兩款口味，紅豆唔會太甜。粉紅色嘅糯米糍幾可愛，有咬口。