阿爺八鮮鍋 (已結業)

疫情緩和， 終於放心外出大擦返餐上星期同老公拍拖拖去左食海鮮放題。放題超有驚喜，一個價錢可以食到高質刺身拼盤、惹味花膠年糕雞煲、新鮮海鮮盒同埋超過50款加追火鍋料。地方寬敞，坐低即送上足料燉湯同精選小食升級海立魚刺身拼盤，淡紅色既海立魚，入口清爽、鮮美。無限追加惹味花膠年糕雞煲，雞肉嫩滑、花膠、年糕吸盡惹味醬汁嘅精華，令人回味。海鮮火鍋多款生猛海鮮如彈牙嫩滑鮑魚、厚肉元貝、爆膏龍蝦、鮮甜聖子王等， 仲有牛魔王必食既手切安格斯牛小排， 牛味濃郁， 有口感。最後食埋返杯雪糕，超滿足。