影片
更多
2018-10-16
248 浏览
星期六特登出元朗玩，想食日本野openrice搵到呢間正皮幾多，所以就去試下。去到都幾多人等緊位，不過好彩二人檯都輪得快，等左一陣就有得食。有一張大餐牌同細既魚生丼餐牌，佢係用膠牌同畫筆填寫既方式落單，夠環保幾好，但唯一不足係冇提供擦膠之類既野用黎改野，紙巾都冇..所以，心急既小妹當時就用手指直接擦左再寫XD。好多野揀，不過由於小妹當日肚入面已經住左大量皇后燒賣同串燒，所以唔係叫左好多野食。左邊: 蔥吞拿魚腩軍鑑 好好味!!個吞拿魚腩真係好有吞拿魚味，仲要係新鮮同肥美既味。右邊: 軟殼蟹卷入面既軟殼蟹好大舊，脆口，上面蟹籽份量都多，推介!上面果排左起: 魷魚壽司 (朋友仔話新鮮), 帆立貝壽司 (幾好)下面果排左起: 甜蝦壽司 (好鮮甜), 池魚王壽司 (朋友仔極力推介呢個，話好好味), 燒左口魚邊壽司 (正常，但得一小塊魚邊，孤寒左d)。整體黎講，性價比好高，埋單先$119，雖然食唔太多野。不過唔建議太多人既時侯去食，因為位置唔多，見到一齊等位既6個食客都等左好耐仲未入得。建議如果可以提供唔好咁熱既茶同擦膠或紙巾會更好。
去到都幾多人等緊位，不過好彩二人檯都輪得快，等左一陣就有得食。
有一張大餐牌同細既魚生丼餐牌，佢係用膠牌同畫筆填寫既方式落單，夠環保幾好，但唯一不足係冇提供擦膠之類既野用黎改野，紙巾都冇..所以，心急既小妹當時就用手指直接擦左再寫XD。
好多野揀，不過由於小妹當日肚入面已經住左大量皇后燒賣同串燒，所以唔係叫左好多野食。
左邊: 蔥吞拿魚腩軍鑑 好好味!!個吞拿魚腩真係好有吞拿魚味，仲要係新鮮同肥美既味。
右邊: 軟殼蟹卷
入面既軟殼蟹好大舊，脆口，上面蟹籽份量都多，推介!
上面果排左起: 魷魚壽司 (朋友仔話新鮮), 帆立貝壽司 (幾好)下面果排左起: 甜蝦壽司 (好鮮甜), 池魚王壽司 (朋友仔極力推介呢個，話好好味), 燒左口魚邊壽司 (正常，但得一小塊魚邊，孤寒左d)。
整體黎講，性價比好高，埋單先$119，雖然食唔太多野。不過唔建議太多人既時侯去食，因為位置唔多，見到一齊等位既6個食客都等左好耐仲未入得。建議如果可以提供唔好咁熱既茶同擦膠或紙巾會更好。
张贴
