吉壽日本料理 (已結業)

就到聖誕，辛苦左一年，係時候要食下好野獎勵下自己，所以決定食番個放題輕鬆下。我就book左吉壽，因為聽朋友講，性價比幾高，所以就去左試下。呢間食店食物種類都算幾多，有刺身，壽司，火灸壽司，手卷，卷物，吉列，天婦羅，煮物，燒物，串燒同海鮮等等。佢啲刺身非常新鮮，分量又大，味道唔錯。佢啲串燒同壽司味道都唔錯。串燒呢講我個人就比較喜歡佢既雞軟骨同埋牛舌。壽司黎講我比較鍾意吉列蝦沙律，蟹捧沙律同埋花之戀壽司，味道認真唔錯。天婦羅味道唔錯，唔會太油膩同太多炸粉。至於燒物黎講，我個人比較鍾意佢既燒菠蘿同埋燒羊鞍。燒菠蘿無燒到燶哂，反而火候啱啱好，酸酸甜甜，最啱開胃。至於個羊鞍，就啖啖肉，肉質鮮嫩，一啲都唔韌。正佢仲有多款既飲品同埋甜品提供。