影片
更多
2021-04-22
103 浏览
今日同朋友黎列到荃灣一間冰室食晚飯，間餐廳好有特色，地方又大又舒服，充滿懷舊既風味！服務員態度好好，幫我地準備好晒啲嘢。一打開餐牌，好多特色小食任君選擇，真係多到黎多幾次都食唔晒啊。事不宜遲啦，肚仔餓，拿拿聲叫野食先！首先叫左個主打：香濃蕃茄湯底配滑蛋叉燒公仔麵好食指數：8/10湯底好濃，好落足料，好多蕃茄肉，滑蛋叉燒唔洗講，啲蛋炒得好幼滑，肉就好入味，撈埋我至愛公仔麵簡直一流。瑞士汁雞翼3隻好食指數：9/10第二打頭陣既小食，味道岩岩好，瑞士汁唔會太濃太燶太苦，師傅整得岩岩好，仲要夠入味，雞毛拔得乾淨，勁好食！麻辣脆雞粒好食指數：10/10真係好鬼惹味，新鮮熱辣辣，脆卜卜，香脆可口，辣粉好過癮，大家要試！炸海鮮芝士豆腐好食指數：10/10又係必食嘅小食，炸到香脆內軟，仲要有香濃芝士係入面流出黎，真心勁好食！炸韭菜餃子好食指數：10/10同出面唔一樣，啲皮厚身小小，炸到香脆煙韌，口感一流，仲要有8隻，好抵食！牛乳蛋治好食指數：10/10就咁上碟舊蛋好鬼厚，好香既牛油同牛奶味，食落喉嚨好鬼滑！真心推介比大家。咸檸7同忌廉紅豆冰好飲指數：10/10咸檸7有成舊咸檸同檸檬塊多，落足料！紅豆冰
今日同朋友黎列到荃灣一間冰室食晚飯，
間餐廳好有特色，地方又大又舒服，充滿懷舊既風味！
服務員態度好好，幫我地準備好晒啲嘢。
一打開餐牌，好多特色小食任君選擇，真係多到黎多幾次都食唔晒啊。
事不宜遲啦，肚仔餓，拿拿聲叫野食先！
首先叫左個主打：
香濃蕃茄湯底配滑蛋叉燒公仔麵
好食指數：8/10
湯底好濃，好落足料，好多蕃茄肉，滑蛋叉燒唔洗講，啲蛋炒得好幼滑，肉就好入味，撈埋我至愛公仔麵簡直一流。
瑞士汁雞翼3隻
好食指數：9/10
第二打頭陣既小食，味道岩岩好，瑞士汁唔會太濃太燶太苦，師傅整得岩岩好，仲要夠入味，雞毛拔得乾淨，勁好食！
麻辣脆雞粒
好食指數：10/10
真係好鬼惹味，新鮮熱辣辣，脆卜卜，香脆可口，辣粉好過癮，大家要試！
炸海鮮芝士豆腐
好食指數：10/10
又係必食嘅小食，炸到香脆內軟，仲要有香濃芝士係入面流出黎，真心勁好食！
炸韭菜餃子
好食指數：10/10
同出面唔一樣，啲皮厚身小小，炸到香脆煙韌，口感一流，仲要有8隻，好抵食！
牛乳蛋治
好食指數：10/10
就咁上碟舊蛋好鬼厚，好香既牛油同牛奶味，食落喉嚨好鬼滑！真心推介比大家。
咸檸7同忌廉紅豆冰
好飲指數：10/10
咸檸7有成舊咸檸同檸檬塊多，落足料！
紅豆冰唔洗講，成層忌廉落足晒料，一啲都唔孤寒！好香好滑滑勁好飲！
整體來講，價錢非常之親民，嘢食亦都非常之好食！性價比高既冰室！
张贴
