尚點 小籠包.上海麵館 (置富第一城) (已結業)

原來近近地沙田第一城已經有上海菜食 唔洗專登出九龍食 而且因為附近係住宅區 食物既價錢仲唔會太貴 食上海野又點少得食擔擔面呢 我地嗌左個招牌雞排擔擔麵 雞排都好大份 麵唔會太冧仲係好彈牙 而且仲好香，一邊食一邊啖啖肉 而且呢個麵係二人份量 夠晒飽 上海菜另一樣最著名既就係小籠包 我真係食親上海野都會嗌 我算係小籠包既die hard fans 呢到既小籠包唔會蒸到太乾 小籠包入面仲有好多湯汁 提下食小籠包一定要用匙勺 湯汁先係小籠包既精華 呢碟係非常精美既金網生煎鍋貼 嗰金網脆卜卜好好食 而且個鍋貼都煎到岩岩好 夠晒香脆 雞絲粉皮 雞肉都夠嫩 而且啲腸粉唔會太乾 如果大碟啲就好 哈哈 最後 嗌左個桂花豆腐花 都夠嫩 而且唔會太甜而且尚點仲係屋企附近 ，我應該會再黎食野 哈哈