芫荽皮蛋豬骨鍋海報，好似好吸引咁，原來個湯底係期間限定，即刻同朋友入去試吓。
我哋中午時段揀咗Level 3「極品吃到飽」港式情懷，呢個餐包咗港式小食，例如格仔餅、黑毛肚、點心等等，湯底係鴛鴦鍋另一款係椰子雞湯，湯底好清甜，因為用咗新鮮原隻椰青，仲有嫩雞件吊味，成班人未落料已經開始飲湯先。
套餐最正係海鮮同牛上枱，松露墨魚滑她彈牙，牛同羊同朋友encore 咗兩轉，另外啲小食同炸物好出色，完全無hea你一上枱全部都係新鮮炸起熱辣辣，除咗可以qr code落單點你想食嘅嘢之外，出面仲有甜品區、飲品區、火鍋配料區、雪糕區等等，多款選擇真係食到飽到嘔🤣。
最後要讚佢哋自家製飲品，最鍾意係白桃烏龍冷泡茶同鳳梨烏龍冷泡茶，好解膩唔會太甜。
