瀛燒居酒屋

营业中

休息中

新年新景象同架車保養下先， 去咗荃灣車房放低架車洗白白， 跟住兩公婆周圍行食飯hea時間, 估唔到荃灣享和街好多食店， 最令我吸引嘅係呢一埋紅燈籠， 真係好似萬綠叢中一點紅嘅感覺。店內主要都係四人枱， 兩個人坐都覺得好寬敞， 裝修嘅感覺好有日本風， 牆壁貼滿日本嘅海報、 掛咗好多日本嘅燈籠、 感覺好舒適。 由於小店都好多人入座， 細聽之下原來店鋪還有一層， 舖都好大下。叫咗一個特上刺身盤呢個特上海鮮盛有五種刺身，有三文魚、油甘魚、赤身、深海池魚同埋海胆。 基本上好多都係成日食嘅，赤身同深海池魚就少食啲。 刺身基本上新鮮就好好味， 呢間舖頭嘅食物都好新鲜同高質， 睇下呢片油甘幾厚， 好肥美好鮮甜。燒鲭鱼都好大條，到個皮脆惡惡， 簡單啲上檸檬汁已經好完美。左邊嗰啲係一口牛， 一寸五粒都係28蚊，抵食。 右邊呢個係燒白膳， 呢個我真係十分推介， 白鱔好厚身，燒到啱啱好， 入口即溶嘅感覺。呢個叫做雞胸軟骨，出面好少食得到， 軟得嚟又有啲硬，口感特別。最後係呢兩個爽口嘅燒物， 大大嚿牛舌 同埋細細粒雞腎。食埋呢樣嘢，啱啱好架車搞掂， 可以滿足地回家休息。