岩鹽日本料理 (利舞臺廣場) (已結業)

今日上完 training，行過利舞台，突然落大雨。橫掂肚餓要食嘢，所以走咗上去搵食。上咗一間食日式釜飯嘅專門店，本來想試釜飯，不過店員通知，因為太多人order要等一陣。 由於我都幾肚餓唔想等太耐，唯有放棄釜飯。從Menu上, 搵到我最愛嘅石頭燒安格斯牛扒定食。見店員誠意推界，我order埋蟹肉香芒薄餅卷。天氣悶熱，加杯香桃梳打做餐前飲唔少得。香桃梳打 - 有桃味，真係甜左啲，不過自己再加多啲冰，就啱啱好，真係一口涼透心。蟹肉香芒薄餅卷 - 用薄餅皮包著芒果塊、蟹肉絲、青瓜絲等材料，鋪咗唔少蟹籽上面，仲有最上加咗沙律醬。我唔太鍾意薄餅皮果陣粉味太重。不過芒果味好出, 酸酸甜甜, 幾醒胃。石頭燒安格斯牛扒定食 - 定食份量唔少，包咗沙律、刺身、飯、餐湯，主角安格斯牛扒真係好大塊，牛扒上檯嘅時候只係稍微燒咗表面。最好係比埋個爐比你自己加熱，牛扒嘅嫩度根據需要自己掌控, 可以品嘗牛扒的原汁原味。牛扒好嫩沒有腥味，脂肪少多汁鮮美滋味。最後加埋杯即磨咖啡餐飲, 簡直完美, 我相當滿意。