影片
更多
2016-02-24
946 浏览
聽聞長沙灣有間岩漿芝士飯好正，聞名不如試試，今晚拉左都係芝士狂迷嘅男朋友一齊去朝聖！餐廳其實位於長沙灣同深水埗中間，離2個地鐵站約10分鐘步程，算幾方便。我地8點半到達，都仲有約10位客人等緊位，因為店面唔算大，我地等左約20-30分鐘，不過為左食我地又唔介意等等。Menu整得好colourful, 圖文並茂，睇相都已經流曬口水。因為真係太肚餓，我地好快就order左一大堆野食，價錢都唔使睇，因為全部唔過$80！綜合水果茶 $30 （跟餐$18）茶味都幾濃，加入新鮮水果，唔會假甜，大大杯，跟餐$18真心抵！朱古力 $10呢杯就普通左少少，朱古力唔夠濃，唔夠熱，綿花糖溶唔到🙊吉列豬扒沙律菜 $32好大碟好足料！生菜新鮮，沙律醬方面可選胡麻醬或千島醬，我地揀左胡麻醬，落左好多好多，夠曬香！$32估唔到有成塊大大塊吉列豬扒！炸到金黃好吸引！略嫌有啲硬同唔夠脆，可以改善下😬雙重芝士沙律菜 $27菜同沙律醬同上面豬扒沙律一樣，但豬扒換成雙重芝士，軟芝士條加芝士粉，夠重口味！燒菠蘿牛漢堡配烤餅 $52呢個小食滿足曬貪心嘅朋友。有薯格、沙律、菠蘿、漢堡扒、烤餅。好豐盛！個烤餅熱辣辣配咖哩汁好惹味！芝
餐廳其實位於長沙灣同深水埗中間，離2個地鐵站約10分鐘步程，算幾方便。
我地8點半到達，都仲有約10位客人等緊位，因為店面唔算大，我地等左約20-30分鐘，不過為左食我地又唔介意等等。
Menu整得好colourful, 圖文並茂，睇相都已經流曬口水。因為真係太肚餓，我地好快就order左一大堆野食，價錢都唔使睇，因為全部唔過$80！
綜合水果茶 $30 （跟餐$18）茶味都幾濃，加入新鮮水果，唔會假甜，大大杯，跟餐$18真心抵！
朱古力 $10
呢杯就普通左少少，朱古力唔夠濃，唔夠熱，綿花糖溶唔到🙊
吉列豬扒沙律菜 $32
好大碟好足料！生菜新鮮，沙律醬方面可選胡麻醬或千島醬，我地揀左胡麻醬，落左好多好多，夠曬香！$32估唔到有成塊大大塊吉列豬扒！炸到金黃好吸引！略嫌有啲硬同唔夠脆，可以改善下😬雙重芝士沙律菜 $27
菜同沙律醬同上面豬扒沙律一樣，但豬扒換成雙重芝士，軟芝士條加芝士粉，夠重口味！燒菠蘿牛漢堡配烤餅 $52
呢個小食滿足曬貪心嘅朋友。有薯格、沙律、菠蘿、漢堡扒、烤餅。好豐盛！個烤餅熱辣辣配咖哩汁好惹味！
芝士熔岩蛋漿飯 $48
主要材料有韓式辣醬、芝士、午餐肉、泡菜、香蔥、紫菜、蛋，非常豐富！呢個飯由店員現場親手主理，首先將蛋漿放入炒好的泡菜炒飯中間，趁著蛋漿未被熱燙鐵板煮熟前，快速將蛋同飯混合，然後加入大量大量芝士, 搞呀搞，搞拌到芝士同蛋飯融合，芝士半溶拉絲就可以食啦。店家真係好大方，俾左勁多芝士，成碟飯拉曬絲，super cheesy! $48呢個價錢真係抵食到喊！卡邦尼意大利粉伴煙蔥炒蛋 $38 （+$3轉手作意）
卡邦尼汁略嫌味道偏淡，幸好煙蔥炒蛋味道夠香，如果滑啲會更正！轉左手作意粉果然唔同啲，麵身較煙韌同掛汁。张贴
