影片
更多
2023-12-06
111 浏览
自從日本核廢水事件，就無再食日式放題，但終於『姣婆守唔到寡』，最後都係忍唔住同個朋友一齊去食。同事就為左核廢水後第一餐日式放題，好認真做足資料搜集，仲要打去問晒刺身食身來源，最後揀左間覺得性價比最高的『御滿屋日本料理』，而食完後我地都一致覺得真係好高。我地叫左個$258經典三重新鮮刺身江洋盛宴，但都有成77樣美食可以叫。咁耐無食刺身，梗係一開始瘋狂叫齊晒各款刺身。太耐無食，每款刺身，三文魚、赤蝦、松葉蟹棒、帶子、甜蝦、油甘魚、北其貝、劍魚腩都好好味，尤其係無任何雪藏味道，食得出個種鮮味，仲要爽口。成晚就係刺身不斷order再order。另外，佢天婦羅、鍋物、一品料理選擇，多到眼花繚亂，例如清酒煮蜆、避風塘炒蟹，海鮮食材食落絕對新鮮，仲要啖啖肉，唔會有霉霉爛爛口感，而且好鬼惹味。基本上2個小時放題之旅係刺身、燒物食唔停口，佢最平個菜單性價比已經極高。下次一定要試埋貴小小ge餐。最後兩個人，一人一杯雪糕，其實已經飽到食唔落，但雪糕有Häagen-Dazs同埋Movenpick揀，就梗係食埋佢。久違日式放題，好耐無咁放肆食一餐，仲要好好食。
我地叫左個$258經典三重新鮮刺身江洋盛宴，但都有成77樣美食可以叫。咁耐無食刺身，梗係一開始瘋狂叫齊晒各款刺身。太耐無食，每款刺身，三文魚、赤蝦、松葉蟹棒、帶子、甜蝦、油甘魚、北其貝、劍魚腩都好好味，尤其係無任何雪藏味道，食得出個種鮮味，仲要爽口。成晚就係刺身不斷order再order。
另外，佢天婦羅、鍋物、一品料理選擇，多到眼花繚亂，例如清酒煮蜆、避風塘炒蟹，海鮮食材食落絕對新鮮，仲要啖啖肉，唔會有霉霉爛爛口感，而且好鬼惹味。
基本上2個小時放題之旅係刺身、燒物食唔停口，佢最平個菜單性價比已經極高。下次一定要試埋貴小小ge餐。最後兩個人，一人一杯雪糕，其實已經飽到食唔落，但雪糕有Häagen-Dazs同埋Movenpick揀，就梗係食埋佢。久違日式放題，好耐無咁放肆食一餐，仲要好好食。
张贴
