韓膳宮 (已結業)

今日係旺角放工，同事就帶咗我去一間任食嘅韓式放題，兩個人加埋食咗$458又好味，又夠飽，性價比高嘅一間韓式餐廳韓膳宮 地址喺旺角通菜街1A-1L號 威達商業大廈 Deli2 1樓A舖。上到去餐廳地方都算闊落，而且裝修得好整潔，有好多卡位可以坐，感覺幾舒適。前菜方面有泡菜，大豆芽菜，生菜，食韓國燒烤一定要用菜包住食咁先正，所有前菜都係無限添加。食韓燒唔少得嘅梗係有牛肉，牛肉味重，又夠鮮嫩，仲有好多款牛肉可以選擇，其次牛仔骨都好好味，沒有醃製過食到原本嘅牛肉鮮味燒肉方面韓式五花肉，五花肉肥瘦均勻，入口肉質爽嫩多汁，五花肉燒到啱啱好仲出緊油香，用生菜包少少泡菜一齊食，將油膩感減少，而且又可以將個味道同口感層次提升。真係好好味。醬汁豬扒，豬扒醃到好入味，而且肉質比較滑，燒一陣已經香噴噴。豬大腸，豬大腸雖然比較肥膩，燒咗一陣將啲油份迫咗出嚟，味道真係特別香，雖然怕肥但係都食唔停口。雞腎，雞腎色澤紅潤，望落去好新鮮，燒到啱啱好，非常爽口，口感真係唔錯，而且亦都醃得好入味。醬燒雞髀肉，雞髀肉肉質好嫩滑，每一啖都食到滑脫脫嘅雞肉。去到食放題唔少得嘅梗係有刺身，刺身非常新鮮又夠凍，又鮮甜，我最鍾意食，食