嘆嘆 (裝修中)

黃大仙中心都有唔少食市選擇，呢晚試位於北館嘅台灣餐廳。菜式都有唔少選擇，包括麵食、滷肉飯、小食，亦有台式特色飲品及甜品選擇，價錢都幾抵食。嘆嘆招牌牛肉麵（$88）- 首先要讚下佢湯底相當濃郁，材料亦豐富。除咗有牛腱同牛筋之外，仲有蘿蔔，紅蘿蔔等。手工麵亦相當有口感，唔錯。古祖滷肉飯拼滷水雞翼（$68）- 滷肉飯同雞翼好入味，亦有配菜，好開胃，啱晒重口味嘅朋友。清零手工消脂花茶（+$25）- 呢個消脂花茶入面有玫瑰、荷葉茶、山楂、胎菊、決明子、檸檬，真係要推介俾注重健康嘅朋友。嘆嘆紫薯奶茶（$38）- 首先賣相好靚，充滿浪漫嘅感覺。奶茶配上紫薯味，入面仲有芋圓，又幾特別。3.6牛乳仙草竽圓大盛（$68）- 名副其實，分量超多，入邊材料包括黑糖沙冰、珍珠、紅豆麻糬、仙草、手打芋泥，仲有芋圓。味道豐富，一個甜品滿足晒幾個願望，建議至少要兩個人先好叫，一個人真係食唔晒。