8鍋臭臭鍋 (金巴利道) (已結業)

🔎尖沙咀金巴利道77號地舖「性價比高嘅台式火鍋 」- 8鍋臭臭鍋 早排lunch time同朋友經過尖沙咀，見到呢間食一人一鍋既火鍋店，反正又未諗到食咩，就入去試一試啦。平時打邊爐都要多人食先抵，先可以叫到多d野食，但呢度就一人一鍋，而且一個鍋已經有齊唔同既料，非常豐富，仲有成9款比你揀，望落認真唔錯！呢到坐得夠舒服，又唔會好迫，有sofa位！中午唔係好多人，可以自由坐！枱上面都有唔同調味料，可以俾客人加，menu 都有教學！套餐包括一個鍋，仲可以配飯或者粉絲，再加野飲，都只係$88，都幾抵食！如果唔夠仲可以叫啲配菜！招牌臭臭鍋 ($88)我叫左個招牌臭臭鍋，個湯底好特別，而且配料都幾多，數埋一共有十幾款。臭臭鍋既臭豆腐味道幾好，臭味唔算好濃烈，味道比較輕，豆腐軟滑，同埋大腸既味道都幾好。其他材料仲包括娃娃菜、白豚肉、台灣貢丸、米血糕、豬血、沙白、鵪鶉蛋、蕃茄、榨菜絲、韮菜、金針菇、嗚門卷、炸枝竹及粉絲，而且配料多到如果你唔係太肚餓既話可能會食唔晒添，不過我地晏晝又唔趕行程，邊坐下邊食，又爽又抵食。台式麻辣鍋 ($88)而我朋友就叫左一個台式麻辣鍋，可以自選辣度。麻辣鍋嘅配料比較有台灣