影片
更多
2022-11-26
141 浏览
天氣又濕又開始凍，最啱打邊爐！台式火鍋越開越多，今次我哋就去咗位置黃金地段嘅牛品，裝修以淺色同木系裝潢為主，雅致明亮！先講湯底，我哋選擇咗鴛鴦鍋（+50）包括推介嘅牛品一品鍋同元氣養生鍋，前者有牛肚、牛筋、紅蘿蔔等湯料煮成，味道較濃同偏鹹香，後者則以大量藥材、雞件熬製，呈奶白色，滋潤又營養。今次食咗牛御品吃到飽套餐（$339）呢個套餐除咗有安格斯牛板腱同牛胸腹等靚牛之外，仲有更多高質素牛肉同每位一隻新鮮活鮑魚！其中澳洲M9和牛肩胛肉油花分布平均，入口香濃彈牙，肉汁豐富！厚切再以蝴蝶切處理嘅封門柳柔嫩鬆軟，牛味非常香濃！鮑魚上枱仲係活生生，睇得到嘅新鮮，鮮甜彈牙！海鮮仲有鮮蝦、青口、蜆，蜆都幾肥美！自助落單仲可以點多款台灣進口打邊爐配料，有啲都幾特別！例如紅心蘿蔔心內美，入口清甜又有營養。同樣用QR code落單選擇熱食，有椒鹽蝦、拌麵、鹽酥雞、皮蛋豆腐、黃金魚丸、炸香芋球等等，炸物普遍都炸得幾好，香口惹味。各款蔬菜、丸類都可以在自助區拎，仲有熱食同前菜自助區，有蒜泥拍青瓜、滷水雞翼尖同響鈴等等，多不勝數。值得一讚嘅係自助配料、醬料區都乾淨企理，員工都會適時整理。最後要特別介紹飲品同甜品
先講湯底，我哋選擇咗鴛鴦鍋（+50）包括推介嘅牛品一品鍋同元氣養生鍋，前者有牛肚、牛筋、紅蘿蔔等湯料煮成，味道較濃同偏鹹香，後者則以大量藥材、雞件熬製，呈奶白色，滋潤又營養。
今次食咗牛御品吃到飽套餐（$339）呢個套餐除咗有安格斯牛板腱同牛胸腹等靚牛之外，仲有更多高質素牛肉同每位一隻新鮮活鮑魚！其中澳洲M9和牛肩胛肉油花分布平均，入口香濃彈牙，肉汁豐富！厚切再以蝴蝶切處理嘅封門柳柔嫩鬆軟，牛味非常香濃！鮑魚上枱仲係活生生，睇得到嘅新鮮，鮮甜彈牙！海鮮仲有鮮蝦、青口、蜆，蜆都幾肥美！
自助落單仲可以點多款台灣進口打邊爐配料，有啲都幾特別！例如紅心蘿蔔心內美，入口清甜又有營養。
同樣用QR code落單選擇熱食，有椒鹽蝦、拌麵、鹽酥雞、皮蛋豆腐、黃金魚丸、炸香芋球等等，炸物普遍都炸得幾好，香口惹味。
各款蔬菜、丸類都可以在自助區拎，仲有熱食同前菜自助區，有蒜泥拍青瓜、滷水雞翼尖同響鈴等等，多不勝數。值得一讚嘅係自助配料、醬料區都乾淨企理，員工都會適時整理。
最後要特別介紹飲品同甜品，有多款無糖茶、汽水、台式飲品，食晚市套餐仲可以加$20叫春陽茶事高質茶飲，古意冬瓜茶滋潤清熱，檸檬蜜烏龍特別用黑糖煮過嘅檸檬，加上鹿谷烏龍，茶味香濃！
平時喺糖水舖食碗芋圓要成四五十蚊，呢度就任食，超抵！我今次就揀咗綠茶愛玉同仙草凍做底，加上多款配料，其中寒天清新、紫米煙韌，再自行配搭花奶、鮮奶同糖漿，自由度超高！
张贴
