影片
更多
2022-09-15
707 浏览
📌 台灣館 - 牛頭角牛頭角道3號得寶商場1樓210號舖🗓(15/9) 星期四 ⏰ 晚上7點左右 💈特式：咁啱行過淘大附近，見到有間大大隻字寫住台灣館，又好耐無去台灣旅行，又好耐無食台灣野，仲要見到Openrice嘅like數竟然係大比數嘅203:1，好奇心驅使下就決定去試試佢。🥩🍔🌭🌮🥗🥯🥘🍲🍝🍣🥟🍤🍱食物：睇佢份menu，d價錢又真係幾吸引同好大眾化，見佢有個養生黃酒煮雞套餐，套餐包1份涼拌菜，1份黃酒煮雞湯，1個小菜，2個飯同飲品，等我試試佢個套餐有幾養生先，事不宜遲等我同大家講下味道先......麻辣牛展🐮 - 涼拌菜揀左麻辣牛展，佢唔算好辣，但都做得幾香口，牛展亦都好爽口，唔會係好鞋個隻feel，牛展切到細細直條，食得方便過一大塊，份量亦都好足，唔係細細碟好似餐前小食咁。黃酒煮雞湯🐥🍲 - 呢個煮雞湯上枱仲有火慶住，唔會飲飲下變度凍哂，一上菜已經聞到好香，飲落好香酒味同雞味，不過酒嘅濃度都唔細，唔啱小朋友食，大人就可以，男士可以行氣活血，女士可以補身暖宮，雞件入口都仲好滑，份量又多。黃金鮮魷🦑 - 小菜就叫左黃金鮮魷，鹹蛋味唔算好出好香，但佢個炸漿都做得幾薄，炸得又
🗓(15/9) 星期四 ⏰ 晚上7點左右
💈特式：咁啱行過淘大附近，見到有間大大隻字寫住台灣館，又好耐無去台灣旅行，又好耐無食台灣野，仲要見到Openrice嘅like數竟然係大比數嘅203:1，好奇心驅使下就決定去試試佢。
🥩🍔🌭🌮🥗🥯🥘🍲🍝🍣🥟🍤🍱
食物：睇佢份menu，d價錢又真係幾吸引同好大眾化，見佢有個養生黃酒煮雞套餐，套餐包1份涼拌菜，1份黃酒煮雞湯，1個小菜，2個飯同飲品，等我試試佢個套餐有幾養生先，事不宜遲等我同大家講下味道先......
麻辣牛展🐮 - 涼拌菜揀左麻辣牛展，佢唔算好辣，但都做得幾香口，牛展亦都好爽口，唔會係好鞋個隻feel，牛展切到細細直條，食得方便過一大塊，份量亦都好足，唔係細細碟好似餐前小食咁。
黃酒煮雞湯🐥🍲 - 呢個煮雞湯上枱仲有火慶住，唔會飲飲下變度凍哂，一上菜已經聞到好香，飲落好香酒味同雞味，不過酒嘅濃度都唔細，唔啱小朋友食，大人就可以，男士可以行氣活血，女士可以補身暖宮，雞件入口都仲好滑，份量又多。
黃金鮮魷🦑 - 小菜就叫左黃金鮮魷，鹹蛋味唔算好出好香，但佢個炸漿都做得幾薄，炸得又脆，份量都係好足。
☕️🍵🥤🧋🍺🍷🥃🍹🧉🍾🍶🥛
飲品 - 飲品有好多台式選擇，今次就叫左珍珠奶茶同朱古力珍珠，珍珠奶茶雖然唔算好特別，但起碼唔係坊間個d死甜，係飲得出有茶味，朱古力珍珠就啱小朋友飲，個朱古力味都幾香。
🍽環境：餐廳環境好簡潔，如果形容佢我會覺得有少少似台灣民宿又或者台灣個d小店咁嘅裝修，雖然入面d坐位有少少似茶餐廳，但勝左乾淨企理，如果坐窗邊卡位仲可以有馬路景睇。
🤵🏻🤵🏻♀️🤵🏻♂️服務：餐廳職員態度好好，幾有禮，見到佢地間舖有好多街坊熟客幫襯，職員都會同佢地傾下計，感覺都幾親切。
💰💸價錢：今日呢個set加埋特飲加左錢都只係$255，有無求其搵間茶餐廳食兩個小菜都要$200埋單，佢呢度d食物質素同份量都比一般茶餐廳好，所以我覺得性價比係高。
🐲💬總結：我覺得呢間台灣菜嘅食物都做得唔錯，份量又大，價錢又走大眾化路線，所以性價比都幾高，如果住附近又或者經過附近都建議可以試下。
推薦指數：❤️❤️❤️❤️🤍
26 浏览
0 赞好
0 留言
17 浏览
0 赞好
0 留言
麻辣牛展
12 浏览
0 赞好
0 留言
黃金魷魚
11 浏览
0 赞好
0 留言
12 浏览
0 赞好
0 留言
张贴
