登堂 (已結業)

之前已經聽友人介紹過登堂，今次就同朋友黎試下先，餐廳環境好闊落，被安排坐卡位，好舒適。登堂設有半自助餐區，有沙律Bar、刺身、小食、甜品等等，可滿足幾個胃吖 😋✦ 香煎蘇格蘭三文魚柳非常厚身三文魚柳，魚皮煎得好香脆，魚油亦非常豐富，加上粒粒爽口嘅三魚魚籽。配日式高湯忌廉汁，帶出三文魚柳嘅鮮味，好出色👍🏻✦ 手拆鮮蟹肉意粉 一上枱時已經聞到好鮮甜嘅蟹肉味道，蟹肉鋪滿在意粉面，好吸引。配新鮮脆口蘆筍、半乾蕃茄，加上些少乾瑤柱，將意粉整體味道再提升到另一層次，非常惹味😆✦ 半自助餐區登堂晚餐仲有一個特別嘅地方，就係設有半自助餐區，係主菜未到嘅時候，可以去半自助餐區嘅沙律Bar製作一個前菜沙律，又或者可以揀餐前小食，有小籠包、餃子、滷水雞尖等等。甜品區有一個Candy Corner，有得夾糖😍帶埋小朋友嚟啱晒；另外仲有好多款細細件又精緻嘅甜品，有芒果熱情果慕絲、蘋果金寶、藍莓芝士餅等等，絕對可以滿足第二個胃需要。