登堂 (已結業)

來到登堂，係以前觀塘區工作嘅飯堂之一，lunch menu 選擇廣，由light d 嘅salads 到pasta、burger或扒類都有，最開心係有原條燒魚食！另一賣點係有semi lunch buffet，整體性價比高。今次得知原來dinner 事段都推出exclusive 嘅semi buffet menu，週末就同朋友專程嚟幫襯！先一讚個dessert bar，全部甜品賣相係都唔差，選擇大概都有成七、八款！朋友推介嘅焙茶蛋糕唔錯，唔太甜茶香夠。另外個鮮奶凍奶香濃厚，同樣係推薦！講返main course，朋友同我分別點咗「威靈頓牛柳」同「魷魚手造闊帶麵」，威靈頓牛生熟程度剛好，牛柳軟稔牛味香但肉味唔算濃。至於pasta 係登堂自家手製嘅質感，掛汁厚薄適中。至於buffet 嘅冷盤同區都有幾多飽肚選擇，特別係冷盤區會輪流出唔同嘅刺身，包括三文魚、赤吞同吞拿魚等。而沙律吧亦有好多配搭選擇，其他熟食有pizza、時蔬、炸物、中式點心、同雞翼等小食。