更多
2022-02-26
55 浏览
想試下入門級嘅Omakase可以考慮依間,午市Omakase course性價比幾高~• Premium course $420前菜有牛舌同海藻,牛舌煮得軟腍入味,沙律菜幾貼心另上dressing,味道正正常常~茶碗蒸蛋內裡配料十足,食落鮮甜滑溜,不過略欠溫度😗入正題嘅十二貫壽司順序係:左口魚 、間八配海苔醬、油甘魚配柚子胡椒、伊佐木配烏魚子、赤貝、海膽配淡雪鹽、牡丹蝦、深海池魚、太刀魚配薑蓉、帆立貝配竹炭鹽及柚子皮、炙燒喜之次、拖羅配山葵漬。比較深刻嘅有左口魚,對比之前食過嘅厚切少少更有咬口,落咗酸汁好開胃。伊佐木有烏魚子嘅加持,些微嘅鹹甜加添味道層次。自上次食過喜之次壽司就愛上咗,今次亦都唔例外一樣咁鐘意,炙燒過油脂好甘香,魚肉彈牙🤤!最後嘅大拖羅本身夠肥美新鮮,可惜山葵漬偏濃味有啲搶fo。食完壽司之後上嘅蔥吞拿魚蓉手卷落足料,裡面加咗黃蘿蔔同脆米,口感唔錯☺️尾聲有溫熱嘅麵豉湯,同柚子雪芭作甜品。
• Premium course $420
前菜有牛舌同海藻,牛舌煮得軟腍入味,沙律菜幾貼心另上dressing,味道正正常常~茶碗蒸蛋內裡配料十足,食落鮮甜滑溜,不過略欠溫度😗
入正題嘅十二貫壽司順序係:左口魚 、間八配海苔醬、油甘魚配柚子胡椒、伊佐木配烏魚子、赤貝、海膽配淡雪鹽、牡丹蝦、深海池魚、太刀魚配薑蓉、帆立貝配竹炭鹽及柚子皮、炙燒喜之次、拖羅配山葵漬。
比較深刻嘅有左口魚,對比之前食過嘅厚切少少更有咬口,落咗酸汁好開胃。伊佐木有烏魚子嘅加持,些微嘅鹹甜加添味道層次。自上次食過喜之次壽司就愛上咗,今次亦都唔例外一樣咁鐘意,炙燒過油脂好甘香,魚肉彈牙🤤!最後嘅大拖羅本身夠肥美新鮮,可惜山葵漬偏濃味有啲搶fo。食完壽司之後上嘅蔥吞拿魚蓉手卷落足料,裡面加咗黃蘿蔔同脆米,口感唔錯☺️
尾聲有溫熱嘅麵豉湯,同柚子雪芭作甜品。
张贴